€15.00
La guerra y la enfermedá acabaron con toles ciuades, pueblos y villes qu’había n’Asturies. Con toes menos con una, la mítica “Arca de los Llobos” de la qu’Amaro namás sabe que ta “escontra l’occidente, na mariña”, como-y dixo l’únicu home vivu que vio primero de finar. P’allá encamina los pasos, namás pa descubrir que lo que nun primer llugar paeció una comuna hippie na que suañar un mundu meyor acaba volviéndose la fortaleza a defender nuna guerra escontra un enemigu misteriosu y bien organizáu que vien del mar. ¿Sedrá quien Amaro a resistilu?
Abel Martínez ye, depués de Dolfo Camilo, l’únicu narrador n’asturianu n’atrevese cola ficción posapocalíptica. En Vikingos 2035 vamos conocer “L’Arca de los Llobos”, una villa post-apocalíptica que se llevanta sobre los resclavos de l’antigua L.luarca. Una hestoria de supervivencia, d’organización social d’un mundu depués de la cayida, y de munchu misteriu.
¿Quies lleer un fragmentu? Descarga equí de baldre.
| Páxines | 136 |
|---|---|
| Tamañu | 14×21 |
| Coleición | Nueva Cáprica |
| Númberu | 2 |
| Edición | Primera |
| ISBN | 978-84-18365-32-4 |
| Arte de portada | Xon de la Campa |
