Descripcíon
Hubo una dómina insospechada cuando reinos rellumantes s‘estendíen pel mundu enteru como la cobertoria azul pente les estrelles; Nemedia, Ofir, Brythunia, Hiperboria, Zamora con muyeres moriques y torres misterioses infestaes d‘arañes, Zingara cola so caballería, Koth llendando coles tierres pastorales de Shem, Estixa con sepulcros guardaos por solombres, Hyrkania con xinetes vistíos d‘aceru, seda y oru. Pero‘l reinu más arguyosu de toos yera Aquilonia, que reinaba supremu n‘occidente adormentáu. Y allá aportó Conan, el cimmerianu, pelo moreno, mirada xabaz, espada na mano, un lladrón, un saquiador, un asesín, con tristures tremendes y una gayola tremenda, pa espatayar coles sandalies los tronos alfayaos de la Tierra.
Esti llibru cuenta con una ayuda de la Conseyería de Cultura, Política Llingüística y Turismu del Principáu d’Asturies.
