Autor
Adrián Carbayales
Nacíu en Madrid en 1985, finca con solo trés años n’Asturies, d’onde yeren los güelos paternos. Vive los primeros años en Granda (Siero) y dempués principalmente n’Uviéu, onde se llicencia en Filosofía. Amás de desendolcador del primer videoxuegu n’asturianu, Tiempu de Lleendes, un RPG qu’entemez mitoloxía y cultura asturianes con elementos de los xuegos de rol xaponeses, ye collaborador habitual de la revista dixital Refuelgu. Cola editorial Radagast tien asoleyaes la traducción d’una antoloxía de rellatos de Conan el Bárbaru, de Robert E. Howard, y la so primer novela, La Rexenta contra Drácula, onde convierte’l personaxe clásicu de Clarín nuna heroína pulp cazamonstruos. Siendo gran llector y coleicionista de cómics, tresllada’l ritmu y los recursos d’estos a los sos escritos.
-
La Rexenta contra Drácula€15.00 -
Conan el Bárbaru€15.00