¿Imaxíneste que Drácula visitare Vetusta na seronda de 1882 y que namás l’axente secreta “La Rexenta” pudiere aparalu? ¿Imaxíneste que l’enfrentamientu -armáu, cómo non – ente los dos xigantes lliterarios dexare una montonera sangre y cadáveres darrera? ¿Imaxíneste que’l trabayu del axente especial Leopoldo Alas, nome en clave “Clarín”, fore’l d’escribir “La Regenta” p’atapalo too? Dexa d’imaxinar y ponte a lleer esta “Ida de pinza” lliteraria qu’entamó Adrián Carbayales enllena de referencies friquis a películes, videoxuegos, series, cómics y noveles de ficción especulativa.
ASTURIANU, GUÉDÉ, Narrativa
La Rexenta contra Drácula
€15.00
La Rexenta nun ye una novela, ye una mentira. Una mentira entamada por una organización secreta qu’intenta atapar cualquier socesu paranormal y qu’emplegó al so axente y escritor a sueldu Leopoldo Alas, nome en clave “Clarín”, pa nun dexar buelga dala de lo qu’en verdá pasó en Vetusta na seronda de 1882.
Agora, gracies a la filtración d’esti documentu, por fin podemos saber la verdá escondida tres d’aquella novela propagandística: que Drácula visitó Vetusta y La Rexenta yera la única axente secreta que podía poner fin a la so orxía de sangre.
Nesta novela nun vas atopar namás l’enfrentamientu físicu ente los dos clásicos lliterarios sinón, tamién, l’alegóricu ente dos maneres d’entender la lliteratura. ¿Podrá la honorable y siempre tradicional Vetusta permanecer impasible cuando vea a Drácula profanar los sos principios más sagraos?
| Tamañu | 14×21 |
|---|---|
| Coleición | Guédé |
| Númberu | 1 |
| Edición | Primera |
| ISBN | 978-84-18365-24-9 |
| Arte de Portada | Xon de la Campa |
