“Equí hai una lleenda que diz que cuando vas morrer, trés díes enantes, una caparina apaez. Una caparina tan especial que cuando la ves sabes el tiempu que te queda…” Alicia camentaba qu’aquel branu diba ser inovidable, y en verdá nun s’enquivocaba: aquel diba ser el meyor y el peor branu. La muerte de la güela diba llevala a ella y a la familia a un requexu onde les lleendes entá viven y onde dicíen que la muerte yera previsible. Ellí va conocer a otra Alicia, una muyer a la que la xente tien medrana d’averase, y qu’escuende una hestoria estraordinaria y un secretu que xune’l pasáu y el presente.
ASTURIANU, GUÉDÉ, Narrativa
L’home les caparines (2ª edición)
€12.00
L’Home les Caparines ye la primer novela de Blanca Fernández, la que ye nestos momentos la novelista más moza de les nueses lletres. La primer edición escosóse depués de namás dos meses nes llibreríes. Trátase d’una novela qu’entemez lo sobrenatural col realismu máxicu y que mos asitia nun clima de tensión y inquietú que nun mos abandona en nenguna de les páxines. Ye’l primer númberu de la coleición “Guédé” pa lliteratura de lo sobrenatural y del terror.
| Páxines | 80 |
|---|---|
| Tamañu | 14 x 21 cm |
| Coleición | Guédé |
| Númberu | 1 |
| Edición | Segunda |
| ISBN | 978-84-18365-24-9 |
