El Reloxeru de relós xigantes

“Toi a bordu del tren, camín de la ciudá, onde vienen d’inaugurar el «Viaxeru Astral», un singular reló xigante financiáu por Orlando Calvelo, otru de los mios oxetivos a investigar. Nos pasaos díes tuvi esplorando ún de los llugares onde más fuerte ye l’antigua tradición oral que puede ocultar una acordanza atávica d’ellos, el llamáu Cume de Carboende. Nun tengo duldes de que se trata d‘ún de los sos refuxos ancestrales, pero que paez qu’hai munchu tiempu qu’Él o ellos dexaron de salir, pues nin siquiera consiguí atopar una sola entrada que permita’l pasu. Solo aguardo que los mios pescudamientos y l’atracción que sienten pol sangre que cuerre nes mios venes nun espertaren aquello qu’aínda güei puede tar dormío nel corazón del monte. Les consecuencies podríen ser terribles, peores aínda si atopa de quien alimentase.”