Category: Sin categoría

En poco más de 3 meses van facer 5 años desque anunciamos Depués d’Ochobre, (24 d’agostu de 2019) el primer xuegu de rol n’asturianu pero, tamién, el primer títulu d’esta editorial. D’entós p’acá pasaron munches coses nel mundu (un andanciu, una guerra n’Ucraína, delles eleiciones, manifestacines masives pola oficialidá…etc)

A lo llargo d’estos años fuimos enantando l’equipu de Radagast, la nómina d’autores y poco a poco sacando nueves noveles, nueves coleiciones y nuevos xéneros. L’ultimu pasu, sacar L’Estrunfísimu, el primer exemplar de Los Estrunfinos, una serie de cómics fundamentales pa la nuesa infancia y pa la normalización social del asturianu. Con too, tábemos sintiendo que, de ciertu mou, yera importante volver a los oríxenes. Esta editorial esiste gracies a Depués d’Ochobre, gracies al movimientu tan grande qu’hebo darrera cuando llanzamos esa propuesta. De consiguir el nuesu oxetivu, esos 2.500 € que pidíemos “y yá”, nun taríemos equí escribiéndovos. Pero saquemos 10.000€ más de los que necesitábemos y con ellos pudimos llanzanos a toes estes llocures. La Rexenta contra drácula, l’Horru de Vapor, 1809, Vikingos 2025, L’Home les Caparines, La Vieya, Del Llau del Nigromante, Bederre, La Bastarda de Pelayu… Y equí debutaron o sacaron obra con nós, autores de la talla d’Andrés Fernández, Blanca Fernández, Adrián Carbayales, Xon de la Campa, Abel Martínez, Ana Pereira, Solinca Turbón o Lluis Aique, ente otros.

Y nun vamos dexar de sacar fantasía nin ciencia ficción. Les noveles van siguir saliendo. Tampoco tenemos intención – si venden bien – de dexar d’asoleyar más númberos de Los Estrunfinos. Pero sí que queremos volver a dos coses que pa nós yeren mui importantes dende l’entamu: La idea transmedia, el fechu de que les hestories nun tienen por qué acabar nes páxines d’un llibru, y pueden desendolcase de mil maneres más: en videoxuegos, en xuegos de rol, en cómics, en películes, en curtiometraxes… etc. Ye dalgo que tábemos escaeciendo y, una cosa teníemos clara, nun queríemos convertinos “nuna editorial más”; queremos dar el pasu a otres plataformes y otros medios pa contar hestories. Porque pa nós lo importante nun ye la lliteratura, sinón la narartiva. La lliteratura ye, namás, ún de los medios que tien la narrativa. Pero nin siquiera ye’l más importante.

La otra cosa qu’echábemos de menos, yera l’universu de Depués d’Ochobre y, sobre manera, lo que más echábemos de menos ye’l cómo s’apuntó la xente a participar. Si tienes el llibru ente les manes, vas ver que la hestoria ficticia de la RSSA ta enllena de nomes de persones reales, persones que creyeron nel proyeutu. Munches obres de ficción de les que se fala dos llinies en DDO discurriéronles persones que sofitaron el proyeutu. Munchos personaxes famosos de la RSSA yeren igualmente llectores. Queremos recuperar eso, recuperar esa idea de construyir hestories ente toos; tamos abiertos a propuestes. Pelo pronto, vamos abrir l’universu de Depués d’Ochobre a más autores y más obres dándo-yos tola llibertá que seya posible da-yos (porque, eso sí, vamos controlar el “canon” de Depués d’Ochobre pa que siga siendo coherente. Ye por eso que creamos una nueva coleición, una coleición na qu’entren noveles, novelines, guiones de teatru, cómic, videoxuegos y cualquier cosa que tenga que ver y tea enxerta nel unversu de Depués d’ochobre, ye la coleición “Hestories de la RSSA”

Abrimos la coleición con dos obres que busquen enantar l’universu de Depués d’Ochobre siendo coherentes cola idea inicial. La primera d’elles ye un Cómic, Fame y Gatos, guionizáu por Andrés Fernández y con dibuxos de Nel de la Campa. Fame y Gatos ye’l nome d’una de les películes que, acordies con Depués d’Ochobre, s’asoleyaron na década de los 50 en Mieres. Concretamente una película d’animación que trata sobre les aventures y desventures d’un gatu pa consiguir comida na ciudá d’Avilés nel añu 1941, cuando taba ocupada polos nazis y asediada polos soviéticos. La otra obra ye una novela curtia de terror, Interferencies nel Akula, una crónica de lo que-y pasó a la tripulación del somarín TK-14, ún de los somarinos nucleares que tuvo la URSS pero que, según los datos oficiales, nunca esistió. Dos propuestes bien distintes, pero con un mesmu enfotu, nun perder los nuesos raigaños. ¡Esperemos que vos presten!

BASES

1. Va poder presentase cualquier persona, ensin distinción de nacionalidá, siempre que nun seya ganadora nuna edición previa d’esti concursu.

2. La llingua de les obres presentaes ha ser l’asturianu y han tar escrites acordies coles normes de l’Academia de la Llingua Asturiana.

3. La temática de la novela ha d’entrar no que se conoz como “Ficción Especulativa”, entendiendo dientro d’esta categoría les categoríes de lliteratura fantástica, ciencia ficción y terror. Pero tamién les ucroníes, les noveles post-apocalíptiques, les noveles de zombies, lo paranormal, o’l steampunk.

4. La estensión de la novela va ser d’un mínimu de 15.000 y un máximu de 40.000 pallabres.

5. El premiu constará de Diploma Acreditativu, 300€ en metálico en conceutu de derechos d’autor, un pin conmemorativu y publicación de la obra na coleición correspondiente d’Ediciones Radagast. Los derechos d’autor entiéndense pagos col premiu y cedíos a la editorial.

6. Plazu de presentación de los exemplares acaba’l 31u d’Avientu de 2023.

7. Les obres unviaránse per corréu a les señes de Radagast:
Ediciones Radagast
Plaza La Noceda 2, 6B
33010 Uviéu

8. Les obres van presentase por triplicáu a interlliniáu cenciellu y a doble cara. Nel sobre habrá constar el nome del premiu, el nomatu y el títulu de la obra. Esti sobre zarráu habrá venir acompañáu d’otru más pequeñu igualmente zarráu. Nel esterior del sobre pequeñu figurará’l títulu de la obra y nel interior habrán constar los datos de contautu del autor o autora (direición, email, teléfonu y un curriculum lliterariu). 

9. Los autores habrán tener una versión dixital de la obra qu’apurrirán a la editorial en casu de resultar ganadores. La non presentación de la versión dixital o la comprobación de que nun s’algama’l mínimu de pallabres o se perpasa’l máximu, va llevar arreyada l’anulación del fallu del xuráu.

10. Los autores que presenten más d’una obra, habrán facelo con nomatos distintos pa caúna d’elles.

11. El premiu podrá declarase ermu si la calidá de los trabayos presentaos o’l númberu de trabayos presentaos lo aconseyaren.

12. El xuráu tará formáu por escritores y traductores lliterarios designaos por Ediciones Radagast y pol autor o autora ganador na edición previa.

13. Ediciones Radagast resérvase tamién la posiblilidá de contautar a los autores de les obres finalistes d’especial calidá – si les hubiere – pa face-yos una propuesta editorial.

BASES

1. Va poder presentase cualquier persona, ensin distinción de nacionalidá, siempre que nun seya ganadora nuna edición previa d’esti concursu.

2. La llingua de les obres presentaes ha ser l’asturianu y han tar escritaes acordies coles normes de l’Academia de la Llingua Asturiana.

3. La temática de la novela ha d’entrar no que se conoz como “Ficción Especulativa”, entendiendo dientro d’esta categoría les categoríes de lliteratura fantástica, ciencia ficción y terror. Pero tamién les ucroníes, les noveles post-apocalíptiques, les noveles de zombies, lo paranormal, o’l steampunk.

4. La estensión de la novela sedrá d’un mínimu de 15.000 y un máximu de 40.000 pallabres.

5. El premiu constará de Diploma Acreditativu, 300€ en metálico, un pin conmemorativu y publicación de la obra na coleición correspondiente d’Ediciones Radagast. Los derechos d’autor entiéndense pagos col premiu.

6. Plazu de presentación de los exemplares acaba’l 31u d’Avientu de 2022.

7. Les obres unviaránse per corréu a les señes de Radagast:
Ediciones Radagast
Plaza La Noceda 2, 6B
33010 Uviéu

8. Les obres van presentase por triplicáu a interlliniáu cenciellu y a doble cara. Nel sobre habrá constar el nome del premiu, el nomatu y el títulu de la obra. Esti sobre zarráu habrá venir acompañáu d’otru más pequeñu igualmente zarráu. Nel esterior del sobre pequeñu figurará’l títulu de la obra y nel interior habrán constar los datos de contautu del autor o autora (direición, email, teléfonu y un curriculum lliterariu). 

9. Los autores habrán tener una versión dixital de la obra qu’apurrirán a la editorial en casu de resultar ganadores. La non presentación de la versión dixital o la comprobación de que nun s’algama’l mínimu de pallabres o se perpasa’l máximu, va llevar arreyada l’anulación del fallu del xuráu.

10. Los autores que presenten más d’una obra, habrán facelo con nomatos distintos pa caúna d’elles.

11. El premiu podrá declarase ermu si la calidá de los trabayos presentaos o’l númberu de trabayos presentaos lo aconseyaren.

12. El xuráu tará formáu por escritores y traductores lliterarios designaos por Ediciones Radagast y pol autor o autora ganador na edición previa.

13. Ediciones Radagast resérvase tamién la posiblilidá de contautar a los autores de les obres finalistes d’especial calidá – si les hubiere – pa face-yos una propuesta editorial.

Adrián Carbayales presenta una traducción de Conan el Bárbaru al asturianu.

Conan de Cimmeria o Conan el Bárbaru, ye un personaxe inmortal de la lliteratura universal. Creáu en 1934 por Robert E. Howard pa la revista pulp Weird Tales, ye ún de los personaxes más reconocibles y trescendentes de la lliteratura fantástica del soxéneru conocíu como Espada y Bruxería. Amás de nos munchos rellatos qu’escribió Robert E. Howard, Conan apaeció en videoxuegos, cómics y películes, de la que la más destacada ye la que protagonizó Arnold Schwarzenegger en 1982.

Na traducción al asturianu que ta acabante d’asoleyar Adrián Carbayales con Ediciones Radagast, tradúcense cuatro d’estos rellatos. Trátense de El Fénix na Espada, La Ciudadela Escarlata, La Torre l’Elefante y El Colosu Prietu. 

Anque Conan entamó primero como un bárbaru en Cimmeria, depués foi mercenariu y más sero acabó siendo rei d’Aquilonia y en munches antoloxíes los rellatos intenten presentase con un orde cronolóxicu, ésti nun ye’l casu na edición d’Ediciones Radagast. El propiu traductor, Adrián Carbayales diz que Howard imaxinábalos “como hestories de daquién que te cuenten nuna tabierna, y cuando pasa esto nunca nun ye n’orde”.

El llibru tien portada de Xon de la Campa, amás d’un mapa del mundu de la Edá Hiboriana col que’l llector va poder orientase nel mundu de fantasía que discurrió Robert E. Howard. El volume de cuatro rellatos de “Conan el Bárbaru” tien una estensión de 212 páxines y un preciu de venta al públicu de 15€. Amás, si l’acoyida ye bona, el traductor y la editorial tienen l’oxetivu de sacar otros volúmenes de Conan el Bárbaru.

Adrián Carbayales:
Adrián Carbayales ye’l traductor de Conan el Bárbaru. Amás de traductor, Carbayales ye escritor (va asoleyar una novela con Ediciones Radagast a finales d’añu) y creadores de videoxuegos, pos ye l’artífice de “Tiempu de Lleendes”, el que ta llamáu a ser el primer videoxuegu en llingua asturiana.

Presentación:
La primer presentación oficial de Conan el Bárbaru, a cargu del traductor, va celebrase’l próximu sábadu 9 d’abril na Biblioteca La Granxa d’Uviéu a les 12h00.

 

BASES

1. Va poder presentase cualquier persona, ensin distinción de
nacionalidá, siempre que nun seya ganadora nuna edición previa
d’esti concursu.

2. La llingua de les obres presentaes ha ser l’asturianu y han tar escritaes acordies coles normes de l’Academia de la Llingua Asturiana.

3. La temática de la novela ha d’entrar no que se conoz como “Ficción
Especulativa”, entendiendo dientro d’esta categoría les categoríes de lliteratura fantástica, ciencia ficción y terror. Pero tamién les ucroníes, les noveles post-apocalíptiques, les noveles de zombies, lo paranormal, o’l steampunk.

4. La estensión de la novela sedrá d’un mínimu de 15.000 y un máximu de 50.000 pallabres.

5. El premiu constará de Diploma Acreditativu, 300€ y publicación de la obra
na coleición correspondiente d’Ediciones Radagast. Los derechos d’autor de la primer edición entiéndense pagos col premiu.

6. Plazu de presentación de los exemplares acaba’l 1u d’Avientu de 2021.

7. Les obres unviaránse per corréu a les señes de Radagast:
Ediciones Radagast
Plaza La Noceda 2, 6B
33010 Uviéu

8. Les obres van presentase por triplicáu a interlliniáu cenciellu y a doble cara. Nesi sobre habrá constar el nome del premiu, el nomatu y el títulu de la obra. Esti sobre zarráu habrá venir acompañáu d’otru más pequeñu igualmente zarráu. Nel esterior del sobre pequeñu figurará’l títulu de la obra y nel interior habrán constar los datos de contautu del autor o autora (direición, email, teléfonu y un curriculum lliterariu). 

9. Los autores habrán tener una versión dixital de la obra qu’apurrirán a la editorial en casu de resultar ganadores. La non presentación de la versión dixital llevará arreyada l’anulación del fallu del xuráu.

10. Los autores que presenten más d’una obra, habrán facelo con nomatos distintos pa caúna d’elles.

11. El premiu podrá ser declaráu ermu si la calidá de los trabayos presentaos o’l númberu de trabayos presentaos lo aconseyaren.

12. El xuráu tará formáu por escritores y traductores lliterarios designaos por
Ediciones Radagast y pol autor o autora ganador na edición previa.

13. Ediciones Radagast resérvase tamién la posiblilidá de contautar a los
autores de les obres finalistes d’especial calidá – si les hubiere – pa face-yos una propuesta editorial.

Juegorrinos ha hecho una reseña de Depués d’Ochobre que compartimos con vosotros y vosotras.

BASES

1. Va poder presentase cualquier persona, ensin distinción de nacionalidá, siempre que nun seya ganadora nuna edición previa d’esti concursu y tenga menos de 35 años el 31 d’avientu de 2021.

2. La llingua de les obres presentaes ha ser l’asturianu y tar escrita acordies coles normes de l’Academia de la Llingua Asturiana.

3. La temática de la novela ha d’entrar no que se conoz como “Ficción Especulativa”, entendiendo dientro d’esta categoría les categoríes de lliteratura fantástica, ciencia ficción y terror.

4. La estensión de la novela sedrá d’un mínimu de 15.000 y un máximu de 50.000 pallabres.

5. El premiu constará de Diploma Acreditativu, 300€ y publicación de la obra na coleición correspondiente d’Ediciones Radagast. Los derechos d’autor de la primer obra entiéndense pagos col premiu.

6. Plazu de presentación de los exemplares acaba’l 1u de Marzu de 2021.

7. Les obres unviaránse per corréu a les señes de Radagast:
Ediciones Radagast
Plaza La Noceda 2, 6B 33010 Uviéu

Les obres presentaránse baxo nomatu nun sobre zarráu por triplicáu (a doble espaciu y a doble cara) onde habrá constar el nome del premiu; esti sobre zarráu deberá venir acompañáu d’otru más pequeñu onde habrán constar los datos de contautu del autor (direición, email, teléfonu y un curriculum lliterariu).

8. El premiu podrá ser declaráu ermu si la calidá de los trabayos presentaos o’l númberu de trabayos presentaos lo aconseyaren.

9. El xuráu tará formáu por escritores y traductores lliterarios designaos por Radagast.

10. Ediciones Radagast resérvase tamién la posiblilidá de contautar a los autores de les obres finalistes d’especial calidá – si les hubiere – pa face-yos una propuesta editorial.