Trovadoresca

15.00

Trovadoresca ye la obra cola que la escritora Blanca Fernández Quintana ganó’l la primer edición del Premiu Radagast de Lliteratura Fantástica, Ciencia Ficción y Terror, nel añu 2021. Blanca Fernández ye la novelista más moza de les lletres asturianes y ésta ye la so segunda novela. La primera, asoleyada l’añu anterior tamién nesta casa, ye L’Home les Caparines, que podéis atopar na nuesa tienda.

 

Nel pueblu de Seloriu organizaron, per primer vez y al más puru estilu de los antiguos trovadores, un festival de poesía oral. Y foi ehí, ente versu y versu, onde Dora, la protagonista d’esta hestoria, se decató de que tien un “don” únicu: el de ser a ver y a oyer falar a la pantasma de Bermudo, ún de los trovadores más importantes que tuviere la Península (o eso diz él) y que, nun se sabe cómo, ta ehí cola so figura espectral y los sos comentarios extemporales en plenu sieglu XXI.

Esta ye la historia de toles antepasaes de Dora, que tien que descubrir l’orixe del secretu familiar, venceyáu a la esistencia de Bermudo y que se remonta hasta la Edá Media.

Con bona prosa y munchu humor, Blanca Fernández Quintana conduznos nuna hestoria familiar bien filada y construyida que podría tar ambientada nel mesmu universu de L’Home les Caparines, la so otra novela.

Autor

Blanca Fernández Quintana

Llingua

Asturianu

Fecha de publicación

2022

Tamañu

14×21

Coleición

Premiu Radagast

Númberu

1

Edición

Primera