Descripción
El Vicariu de Nibbleswicke ye una obra maestra de Roald Dahl, que combina sentíu del humor con una hestoria enllena d’inxeniu con una traducción prestosísima de Xesús González Rato. El mozu y entusiasta Reverendu Aliugna ta contentísimu de que lu nomen vicariu nel pueblín de Nibbleswicke. Sicasí, hai un problema: tien una estraña enfermedá que fai que pronuncie delles pallabres al aviesu, ensin él se dar cuenta. ¿El resultáu? Una montonera de tracamundios y situaciones cómiques que creen el caos na tranquila comunidá. Cola ayuda de los agradables habitantes del pueblu y un médicu duechu, el vicariu descubre una solución sorprendente pal so trestornu, y la vida en Nibbleswicke vuelve a la normalidá… ¡o casi!
