Autor
Nicolás Bardio
Llicenciáu en Ciencies Polítiques pola Universidá Complutense de Madrid, Master en Periodismu pola Universidá Llibre de Bruxeles y Especialista en Campañes Eleutorales pola Universidá de Nueva York. Depués de trabayar como asesor políticu nel parllamentu belga y européu, trabaya anguaño como preparador de francés a la oposición al cuerpu diplomáticu y traductor d’esta llingua. Con dalguna collaboración nes revistes Estandoiru y Formientu, dedicó la mayoría de la so actividá lliteraria al cultivu de la novela y el rol. Na ucronía destaca la so obra “La Colomina 36” (Premiu Asturies Xoven de Narrativa 2019), una de les noveles asturianes más vendíes de los últimos años y que pertenez al universu narrativu del xuegu de rol n’asturianu “Depués d’Ochobre” del que tamién ye autor. Na fantasía, tien asoleyada la novela “Del Llau del Nigromante”, de la que s’espera continuación. Ta acabante d’asoleyar “Interferencies nel Akula” una novelina de terror del universu de Depués d’Ochobre
