Descripcíon
“Buscó nos papeles que-y pasare Aida y ellí taba la mesma figura, nos apuntes dibuxaos a mano por Regoyos. Llanzóse como una lloca a ver les otres imáxenes y amplióles y menguóles, tapando un güeyu, llueu l’otru, volviendo una y milenta vegaes la vista de les radiografíes al papel vieyu que tenía delantre. Ellí taben tolos elementos que dicía: la vieya cadabre, les cares de mieu de los guaḥes, les firíes del paisanu, l’esperteyu prietu detras suya… Sólo había un detalle que nun casaba con aquellos apuntes: la muyer del suelu nun tenía la cabeza suxeta pola mano, sinón que miraba directo al espectador del cuadru; estirando’l brazu, buscando ayuda”
