€15.00
Ambientada en Rexistru Mineru, una tresposición d’Asturies na que se ve hasta’l Sanatoriu Adaro de Sama, Cuntadora llévanos a un tiempu distópicu onde se mecen el Cyberpunk y el Steampunk nun llugar en que los humanos van convirtiéndose en máquines y les máquines n’humanos.
Cuntadora ye una reflexón sobre la robotización, les IAs, la conciencia y tolo que mos fai “ser humanos”, pero ye tamién una denuncia del sistema viciosu nel que vamos cayendo, al empar que los robós se desendolquen, eso que tantes vueltes se resumió como casa-trabayu-casa.
Social y distópica, distinta, fonda. Asina ye Cuntadora, una novela que nun va dexate indiferente.
«Hai hestories qu‘esperen hasta que daquién llega pa cuntales y persones que busquen ansioses hestories que cuntar. Na to hestoria, llegasti como un páxaru llega, canta‘l so cantar y depués cola. Esta vegada, el cantar va pervivir na mente de quien escuche, ensin sumise pa siempres. Ésti va ser el to trabayu: ser el páxaru y la voz que caltenga vives eses hestories pa que nunca s‘escaezan.»
| Autor | Ana Pereira |
|---|---|
| Llingua | Asturianu |
| Fecha de publicación | 2024 |
| Tamañu | 14×21 |
| Coleición | Premiu Radagast |
| Númberu | 3 |
| Edición | Primera |
| Arte de Portada | Xon de la Campa |
| ISBN | 978-84-18365-49-2 |
| Páxines | 92 |
