Depués d’Ochobre – Edición Mecenalgu n’asturianu

39.90

Depués d’Ochobre ye’l primer xuegu de rol n’asturianu que va salir a la venta en tiendes en Xunu de 2020.  Trátase d’un xuegu de rol de calter más narrativu que mecánicu ambientáu na RSSA (República Socialista Soviética d’Asturies), un estáu que s’independizó d’España tres de la Revolución d’Ochobre de 1934 y que forma parte de la URSS como una República Socialista Soviética más.

 

Recuerda: Los gastos d’unviu son de baldre n’España si lu merques na nuesa web

 

Alcuérdate, gastos d’unviu de baldre mercándolu na nuesa web.

Categoría Etiqueta:

Depués d’Ochobre  – Edición estándar n’asturianu

La edición completa de Depués d’Ochobre inclui, al igual que la edición estándar:

  • Hestoria de la RSSA
  • Tresfondu políticu, social y cultural de la RSSA
  • Capítulos introductorios pa deprender a xugar al rol
  • Regles de xuegu de Depués d’Ochobre
  • Carauterístiques, habilidaes, ocupaciones, ventayes, desventayes…
  • Capítulu específicu pal Camarada Direutor (máster o narrador)
  • Aventura introductoria: Operación Povisa y personaxes prediseñaos

Y amás, toles aventures, mods que se desbloquiaron a lo llargo de la campaña de Mecenalgu en Verkami qu’amiesten 120 páxines más con conteníos adicionales.

  • La nueche de los páxaros
  • The Asturians
  • In Nomine Partis
  • Les flores na ventana
  • Muerte nel Sóviet Supremu
  • Mod: Vagamar
  • Clas Navaga
  • La Batalla del Cantábricu
  • Más illustraciones

La edición completa de Depués d’Ochobre tien, amás de tolo qu’inclui la edición básica,  una serie d’aventures y de mods. En “La nueche de los páxaros”, vas poder ver cómo yera l’Avilés de 1942 ocupáu polos nazis, en The Asturians dámos-y la vuelta a la tortiella pa ponenos na piel d’un espía franquista n’Asturies, en In Nomine Partis esploramos les rellaciones de poder ente Roma, la Ilesia católica y la URSS. En Muerte nel Sóviet supremu volamos a Moscú acompañando a Belarmino Tomás al XX Congresu del PCUS, onde se desestalinizaría la Unión Soviética. El Mod Vagamar inclui una serie de funcionalidaes pa integrar los somarinos y los combates somarinos nes partides y con esi mod podemos xugar “La Batalla del Cantábricu”, una serie d’operaciones clandestines en Bretaña y el Cantábricu y “Clas Navaga”, una hestoria paranormal y de fuercies especiales en metá del Atlánticu. Amás, toles hestories extra vienen con illustraciones que nun tán presentes na edición básica.