Descripcíon
La Rexenta consiguió evitar que Drácula tomara la capital d’Asturies, pero non ensin pagar un preciu por ello. Con secueles físiques y sicolóxiques de les que nun tuvo tiempu pa recuperase, agora ha enfrentase a una Vetusta que yá nun ye la que yera: ta infestada de vampiros, surden sectes estrañes, inquisidores de la so axencia secreta entren ensin procuru nengún pa ponelo too pates p’arriba… Y, por si nun fore abondo, un médicu xoven, bisñetu del llexendariu Victor Frankenstein, descubre los secretos que faen más fina la llinia ente la vida y la muerte. La Rexenta contra Drácula, la novela n’asturianu más polémica del sieglu, tien por fin la so esperada continuación. Nun quedes ensin la deconstrucción pulp del segundu y últimu volume de la obra de Clarín, con tovía más sangre, más sexu, más fantasía y munches más llocures que na anterior.
Pue lleese de mou independiente a “La Rexenta contra Drácula”; pero encamentámoste lleer primero la primer parte
