Estrunfiar y rinchar, falar y estrunfiar

Nesti álbum, una discusión sobre la manera correuta de falar estrunfinu acaba dixebrando’l pobláu estrunfín en dos bandos enfrentaos. Peyo convirtió asina una disputa de pallabres nuna sátira del conflictu llingüísticu belga, una historia que güei resulta especialmente prestosa de lleer n’Asturies, onde los alderiques alredor de les llingües siguen formando parte de la nuestra realidá.

L’álbum complétase con Los xuegos olimpistrúnficos, una riestra d’hestories curties y gags nos que Los Estrunfinos prueben distintos deportes col humor habitual de Peyo.

Un álbum indicáu pal públicu infantil, pero con una segunda lectura que tamién van disfrutar los adultos.