1984: Thoughtcrime (edición digital en castellano)

€15.00

1984:Thoughtcrime ye un survival sicolóxicu. Nél, a cada tirada que faigas, vas entrugate si l’Hermanu Grande te vería; a cada información que recibas, vas entrugate si ye real o namás propaganda del Partíu; a cada pasu que deas, atormentaráste pensando si acasu nun tarás cometiendo un pensarcrime (Thoughtcrime) y traicionando a la Ideoloxía Oficial.
Atópeste nuna Franxa Aérea númberu 1 (Gran Bretaña) n’escayencia, un Londres en ruines, una ciudá atacada de contino poles bombes-cohetes sobrevolada por helicópteros de la Policía del Pensamientu con telepantalles en cada requexu, negociu y despachu.

Nun mundiu en que toos van d’uniforme, vas construyir y individualizar al to personax a base d’alcordances. Vas tener qu’esforzate en creyer la propaganda, falar una nuevafala que torga’l pensamientu astrautu y obedecer a la dictadura del Hermanu Grande mientres, en  ecreto, pienses cómo acabar con ella, cómo facer pa nun perder la to individualidá, la to personalidá y caltener los llazos afeutivos cola xente a la que quies.

Categoríes , Etiqueta:

Descripcíon

1984: Thoughtcrime – edición en castellano

1984: Thoughtcrime ye’l xuegu de rol oficial de la novela d’Orwell 1984. El xuegu, un survival sicolóxicu, trespórtanos a la Oceanía de 1984 controlada con puñu de fierro pol Hermanu Grande. Nesti xuegu, los xugadores interpretarán a hoes y muyeres corrientes d’Oceanía que lluchen por sobrevivir un día más na “Gran Mentira” qu’entamó’l partíu SOCING. El xuegu orixinal vien colo siguiente:

  • Tresfondu y lore d’Oceanía
  • Regles (sistema basáu en d10 y d6)
  • “Aviones de Papel”: Una hestoria na que los xugadores pondránse na piel de los Parsons, los vecinos de Winston.
  • “La Franxa Aérea númberu 2”: Una hestoria n’estilu “sandbox” na que los xugadores van ser proles nel Aeropuertu de Heathrow y van tener qu’esplorar qué hai de cierto na esistencia d’una islla mítica que nun sal nos mapes y que se llama “Irlanda”.
  • “Una escursión colos espíes”: Una hestoria protagonizada por neños na que los xugadores van sacar tola so crueldá y escorrer a criminales mentales.

Pues descargar la Ficha del master en PDF

Puesdescargar la Ficha de xugador en PDF

 

Esti llibru cuenta con una ayuda a l’edición del Ministeriu de Cultura y Deporte

Productos relacionados