Conan el Bárbaru

15.00

Cónan el Bárbaru ye una esbilla de cuatro rellatos breves de Robert E. Howard protagonizaos por Conan el bárbaru, rei d’Aquilonia. Trátase de los rellatos El Fénix na Espada, La Ciudadela Escarlata, La Torre L’Elefante y El Colosu Prietu traducíos al asturianu por Adrián Carbayales, qu’amás de traductor y escritor, ye ún de los divulgadores de la obra de Howard n’asturianu.

Hubo una dómina insospechada cuando reinos rellumantes s‘estendíen pel mundu enteru como la cobertoria azul pente les estrelles; Nemedia, Ofir, Brythunia, Hiperboria, Zamora con muyeres moriques y torres misterioses infestaes d‘arañes, Zingara cola so caballería, Koth llendando coles tierres pastorales de Shem, Estixa con sepulcros guardaos por solombres, Hyrkania con xinetes vistíos d‘aceru, seda y oru. Pero‘l reinu más arguyosu de toos yera Aquilonia, que reinaba supremu n‘occidente adormentáu. Y allá aportó Conan, el cimmerianu, pelo moreno, mirada xabaz, espada na mano, un lladrón, un saquiador, un asesín, con tristures tremendes y una gayola tremenda, pa espatayar coles sandalies los tronos alfayaos de la Tierra.

 

Autor

Robert E. Howard

Llingua

Asturianu

Fecha de publicación

2022

Páxines

212

Tamañu

14×21 cm.

Coleición

Istari

Númberu

3

Edición

Primera

Traductor

Adrián Carbayales

Arte de Portada

Xon de la Campa