Blanca Fernández algama’l I Premiu Radagast de novela

La escritora yerbata Blanca Fernández algama’l I #PremiuRadagast de novela fantástica, ciencia ficción y terror cola obra de fantasía urbana “Trovadoresca”, una novela de fantasía urbana. Blanca Fernández conviértese asina na novelista más moza de les lletres asturianes.

La obra, que compitió escontra otres dos más; ganó por unanimidá del votu del xuráu, que taba formáu pola traductora Aymara González Montoto, el collaborador de Refuelgu Adrián Carbayales y l’escritor Héctor Pérez Iglesias, qu’exerció de presidente.

Pa presentase facía falta facer una novela n’asturianu, inédita de les temátiques de la ficción especulativa (terror, ciencia ficción y fantasía) y nun tener más de 35 años nel momentu de participar nel premiu.l premiu son 300€ en conceutu d’anticipu de les ventes, un diploma acreitativu y l’espublizar la obra. L’añu qu’entra convocaráse la segunda edición del premiu. ¡Norabona!

Leave a Comment

La to direición de corréu nun va espublizase.